Oostvallei

	Kliniek KONTAK BESONDERHEDE
	Die sorgeenheid bestaan uit 'n siekeboeg vir eerstevlakversorging. Daar is ook 'n eenheid vir verswakte bejaardes. Voorsiening woord ook gemaak vir ouer persone wat steeds onafhanklik, maar binne onmiddelke bereik van verpleeghulp wil wees. Die kliniek is as 'n "step down clinic" gerigistreer. Die voordeel verbonde aan registrasie is dat uitgawes van die mediese fondse geëis kan word. Fisioterapie, massering en voet-en naelbehandelings word ook voorsien. Die versorgingseenheid, wat binne die oord gelëe is, maak dit een van die oorwegings wat 'n mens defenitief aan moet dink met die verkryging van behuising in so 'n oord. Altesame is daar twintig beddens waarvan daar altyd 'n paar beskikbaar gehou word vir inwoners uit die oord. 'n Groot voordeel van Oostvallei se sorgeenheid is dat dié sentraal geleë is binne die oord en maklik toeganklik is vir alle inwoners. Die voordeel dat as slegs een van die inwoners sou gebruik maak van die fasiliteite en bv. sou aansterk na 'n operasie, die ander inwoner in die gemak en veiligheid van die oord ten enige tyd 'n besoek kan gaan aflê. Die sentrale interkomsisteem, wat alle huise sowel as die sorgeenheid met mekaar verbind, bied in hierdie omstandighede, maar ook in noodsituasies, baie gemoedsrus. Opsioneel kan daar ook deur die aankoop van 'n panieknoppie, wat mens by mens kan rondra, gebruik gemaak word vir vinnige hulp. Hierdie is die kleiner dinge in die alledaagse lewe waaraan mens nie juis dink todat dit in werklikheid met mens self gebeur nie. Buite pasiente van alle ouderdomsgroepe is ook welkom by dié sorgeenheid. Die fasiliteite is besonder goed geskik om bv. aan te sterk na 'n operasie. Die boomryke omgewing met al die waterstroompies en wandelpaadjies slegs etlike meter vanaf die sorgeenheid, skep 'n rustige atmosfeer – presies wat die dokters in so 'n tyd altyd voorskryf... Die vriendelike personeel is uiters bekwaam in hulle taak en sal verseker dat u verblyf baie aangenaam sal wees. Weens die gewildheid van Oostvallei se versorgingseenheid deur hospitaalpasiente in die omliggende omgewing, is dit wel noodsaaklik om 'n tydjie voor die tyd te bespreek om teleurstelling te vermy. Kom vergewis uself gerus oor die hoë standaard van ons dienste en fasiliteite en kontak die sorgeenheid vir 'n afspraak, u sal sonder twyfel beïndruk wees. Bekende groot hospitale in die nabyheid van Oostvallei is: • Pretoria Oos Hospitaal • Kloof Hospitaal • Wilgers Hospitaal • Faerie Glen Hospitaal 'n Groot verskeidenheid apteke is ook in die omgewing beskikbaar, wat op 'n 24uur basis bedryf word. Drukvriendelike weergawe van hierdie bladsy
	Inleidend \| Fasiliteite \| Sosiaal \| Bestuur \| Verkope \| Kontak \| Kliniek \| Restaurant Voorwaardes \| Drukvriendelike PDF Weergawe van Webwerf