Verkope

	Verkope WAT IS DIE REGTE KEUSE VIR 'N AFTREEOORD ? \| DOKUMENTASIE \| OORDUITLEG PRYSLYS VAN EENHEDE TANS BESKIKBAAR \| SPESIFIKASIES \| FOTOS VAN EENHEDE
	Daar is ’n verskeidenheid eenhede by Oostvallei beskikbaar om van te kies soos byvoorbeeld een-, twee- en drieslaapkamereenhede met verskillende oppervlaktes wat wissel van 97 vkm tot en met 275 vkm vir die groter drieslaapkamereenhede. Al die huise het toesluitmotorhuise wat of los of vas aan die huis is. Die eenhede waar die motorhuis los is, het die voordeel dat daar ’n privaat tuin tussen die huis en die motorhuis is. Alle huise het hulle eie privaat tuine wat deur die oord uitgelê en onderhou word. Eenpersooneenhede sonder ’n motorhuis is ook beskikbaar en daar word voorsiening gemaak vir genoegsame parkering. Al die eenhede in Oostvallei is op grondvlak met eie stoepe en tuine en lekker sonnige vertrekke. Oostvallei verkoop nie sommer net behuising nie, want hier vind u ten eerste die diens en sorg wat u toekom – en as ’n waardevolle byvoordeel kry u woonreg in ’n moderne en luukse woning op die grond, in die natuur, in ’n private tuin wat vir u versorg word. • Dit is waar die mense regtig omgee – in ’n gemeenskap wat saamstaan. • Oostvallei – die spogoord in die gesogte ooste van Pretoria. • Professionele tuinuitlegte wat die hele oord in ’n tuinparadys omskep. • Rustige en kommerlose verblyf in ’n private omgewing! • In Oostvallei handhaaf u nie net u huidige lewenstandaarde nie, maar hier kan u maklik u lewenstyl verbeter! • Slegs Oostvallei bied wat geen ander Aftreeoord kan bied nie – lewenslange diens en gemoedsrus. • Vindingryke tuine maak van Oostvallei Aftreeoord ’n ware lushof. • Senior burgers kry gerief en gemoedsrus by Oostvallei. Styl en gerief was gewis die sleutelwoorde in die beplanning van dié Aftreeoord. Net die beste boustof is gebruik. Elke vertrek spog met ruim ingeboude kaste – selfs in die badkamers. Die baddens is van glyvrye marmer en die teelwerk strek tot teen die plafon. Benewens die bad is daar ’n groot stort met ’n sitbankie wat ook vir ’n rolstoel geskik is. Die kombuis is ruim en het ’n ooghoogteoond, stoof en in sommige eenhede ’n spens. Elke woning het sy eie toesluitmotorhuis met bykomende ruimte en genoegsame parkering vir 'n tweede motor. Van die groter eenhede het selfs dubbel motorhuise. Wat tuinmaak betref, hoef inwoners ook nie ’n vinger te verroer nie, aangesien dit deur die instandhoudingspersoneel onderhou word. Spesifikasies, Vloerplanne en foto's van eenhede ... Pryslys van eenhede tans beskikbaar ... Wat is die regte keuse vir 'n Aftreeoord? Drukvriendelike weergawe van hierdie bladsy
	Inleidend \| Fasiliteite \| Sosiaal \| Bestuur \| Verkope \| Kontak \| Kliniek \| Restaurant Voorwaardes \| Drukvriendelike PDF Weergawe van Webwerf