Die fasiliteite by Oostvallei bestaan uit die volgende:
Gemeenskapsgebou
Die gemeenskapsgebou is die hartklop van die oord, is in die middel van die kompleks gelee, en beskik oor ‘n restaurant, patio, veeldoelige vergadersaal, ‘n biblioteek, private sitkamer en 'n administratiewe kantoor.
Maaltye & privaatfunksies
Gebalanseerde maaltye uit ons splinternuwe industriele kombuis word voorberei. Ruim onthaalareas en ‘n voltydse spysenier vergemaklik reelings vir privaatfunksies en spesiale onthaalgeleentheede. Besondere moeite word gedoen om vir inwoners en gaste 'n fynproewersmaal voor te sit en ook 'n gulde geleentheid om familielede of vriende te nooi vir ete sonder enige moeite by die huis.
Vergadersaal
Die ruim saal met verhoog word dikwels gebruik vir spesiale geleenthede asook algemene jaarvergaderings, weeklikse kerkdienste, optredes deur kunstenaars en uitstallings. Kleiner onthaalareas is ook beskikbaar vir familiebyeenkomste of spesiale verjaarsdaepartytjies.
Biblioteek
Die biblioteek bied 'n groot verskeidenheid boeke sowel as die mees populerste daaglikse koerante en tydskrifte.
Administratiewe kantoor
Die oord se administratiewe kantoor wat met menigde aspekte behulpsaam kan wees, gee die inwoners ‘n groot sin van gemoedsrus wat nie onderskat mag word nie.
Posbusse
Oostvallei beskik oor sy eie privaatsak en inwoners se pos word by die administratiewe kantoor in posbussies geplaas. Posstukke kan ook van uit die oord se gerief en veiligheid versend word.
Wassery
Die wassery word op 'n muntstelsel bedryf. Die opsie om groter items soos gordyne of lakens te was is tot alle inwoners se beskikking teen ‘n minimale koste.
Sekuriteit
Die oord beskik oor een ingangshek met 24 uur wagte wat doelgerig opgelei is.
Die nuutste tegnologie in moderne heiningsisteme is gebruik aan die grens met die naturreservaat. Elektriese heinings, goeie beligting and wandelpaaie wat breed genoeg is maak dit nie net 'n plesier om te gaan stap nie maar gee ook 'n groot sin van gemoedsrus.
Die hele oord is aan 'n noodkragopwekker gekoppel en word daardeur nie deur kragonderbrekings of beurtkrag geaffekteer nie. Hierdie opsigself het reusagtige voordele wat sekuriteit en gemoedsrus aanbetref. 'n Argiteksontwerpte betonmuur met 'n addisionele elektriese heining beveilig die res van die oord en bied ook die nodige privaatheid.
Sonkrag vir elektrisiteitsvoorsiening
Oostvallei maak gebruik van sonernergie vir sy elektrisiteitsvoorsiening en is dus nie afhanklik van Eskom gedurende die dag nie. Met 'n maandelikse opwekkingsvermoe van 30 megawatt is ons trots daarop om te kan se dat dit huidiglik die grootste multi-residensiele sonplaasinstallasie in Suid Afrika is. Hierdie sowel as die gebruik van sonenergie vir waterverhitting is maar net 'n paar initiatiewe om die algehele koolstofvoetspoor van die oord te verminder en 'n aansienlike kostebesparing vir alle inwoners te bewerkstellig.
Sekuriteit en veiligheid is een van die belangrikste aspekte in die oord en is dit uiterdaad iets waarop Oostvallei baie trots kan wees.
Kopiëreg - Oostvallei 2012