Smaklike etes in 'n aangename omgewing.
Inwoners uit die oord kan daagliks ‘n maaltyd in die restaurant geniet. Ses weeksdaemaaltye per inwoner per maand is verpligtend. Sodoende word daar 'n sosiale interaksie bewerkstellig, die winsgewendheid van die spyseniersdiens word daardeur verseker en sorg vir 'n gesonde eetlus vir alle inwoners. Die etes in die restaurant word teen ‘n billike prys aangebied sodat dit regtig lonend is om hier ‘n goed gebalanseerde maaltyd te kom geniet, tussen vriende en medeinwoners, eerder as om by die huis etes voor te berei.
Die eetsaal is baie populêr en gee mens 'n goeie veskoning om vriende en familie te nooi en selfs dalk met ou kennisse te ontmoet.
Etes word daagliks vars in Oostvallei se splinternuwe industriele kombuis met die nuutste tegnologie voorberei en sodoende kan voorsiening gemaak word vir persone wat spesiale diete volg of vegetariese geregte verkies.
Vir privaatfunksies of familiebyeenkomste is daar ‘n groot verskeidenheid geregte soos vingeretes met verskillende soet- en southappies om van te kies en te keur. Vir verjaarsdae, spitbraaie, begrafnisse, teepartytjies en spesiale ontbytonthale word spesiale aandag gegee.
Die idee is immers nie om net 'n maaltyd te voorsien nie maar eerder om die vooruitsig van 'n aangename samesyn te bewerkstellig met medeinwoners en daaardeur lewenslange verhoudinge op te bou.
Kopiëreg - Oostvallei 2012